2020-09-02
پاکستان افغانانو ته د وېزې د ورکړې لړۍ بېرته پيل کړې دهnn په کابل کې پاکستان سفارت وایي چې د کرونا ویروس د پراختیا د مخنیوي په موخه دغه لړۍ ځنډول شوې وه خو اوس تازه پرېکړه شوې چې د روانې میلادي میاشتې له اتمې نېټې خلک د پاکستان سفارت ته د وېزې غوښتلو لپاره ورتللی شي. په کابل کې د پاکستان لوی سفیر ویلي پاکستان له دې وروسته بهرنیو مسافرو ته د ورتګ اجازه ورکوي، خو له ځان سره به د کرونا د ټېسټ پایله لري او باید روښانه شي چې دوی په کرونا ویروس نه دي اخته. همدا راز مسافر اړ دي د کرونا د مخنیوي لپاره ټول وسایل له ځان سره ولري او په دې توګه ددغه ویروس د پراختیا سبب نه شي. زرګونه افغانان په پاکستان کې، په زده کړو، کاروبار بوخت دي.
ADVERTISEMENT